Aðalfundur FaMos 2026
Aðalfundur FaMos, félags aldraðra í Mosfellsbæ verður haldinn mánudaginn 16.febrúar kl. 19:00 í Hlégarði.
Eftir hefðbundin aðalfundarstörf mætir danshópurinn “Sporið” og sýnir þjóðdansa.
Fréttir -
Myndir frá Opnu húsi 13. október
Myndir frá Opnu húsi 13. október
Fyrsta Opna hús vetrarins var í Hlégarði 13. október. Grétar Örvarsson skemmti okkur með dyggri aðstoð saxófónleikarans okkar Hansa Þór Jenssonar. Un hundrað manns mættu og skemmtu sér vel við söng og skemmtisögur Grétars og tókst honum að draga þó nokkra út á dansgólfið. Eftir skemmtunina bar kaffinefndin fram sitt frábæra hlaðborð.
Fleiri fréttir
Stjórnarmenn
Félag aldraðra í Mosfellsbæ auglýsir eftir stjórnarmönnum.
FaMos auglýsir eftir áhugasömu fólki til að taka þátt í stjórn félagsins. Þar er um að ræða embætti formanns og almenna stjórnarmenn. Þau sem hafa áhuga eða vilja kynna sér málið sendi tölvupóst á famos@famos.is.
Stjórnin
Tilkynning frá FaMos
FaMos minnir félaga að greiða félagsgjöldin sem fyrst. Krafa hefur verið send í heimabanka og þegar hún hefur verið greidd er félagskortið sent rafrænt í tölvupósti. Þau sem ekki eru tölvuvön geta fengið félagskortið afhent. Þá er nauðsynlegt að panta það og fá það afhent á skrifstofu FaMos. Ef krafan hefur ekki borist í heimabanka þarf að fara inn á heimasíðuna www.famos.is og skrá sig.
Stjórnin
Myndir frá Opnu húsi í Hlégarði 12. janúar
Fyrsta Opna hús FaMos á þessu ári var haldið í Hlégarði 12. janúar. Hljómsveitin Blær skemmti okkur og spilaði ýmis danslög. Við vorum um 60 í salnum og tók okkar fólk góðan þátt í skemmtuninni á dansgólfinu. Þar sáust margir frábærir dansarar, sem engu spori hafa gleymt frá því í gamla daga.