Fréttir

Félagsmálaráðuneytið, velferðarsvið Reykjavíkurborgar og LEB – Landssamband eldri borgara fengu Félagsvísindastofnun Háskóla Íslands til að gera fyrir sig könnun á högum og líðan aldraðra á Íslandi 2020. Rafræn kynning á niðurstöðum könnunarinnar verður haldin 7. apríl nk. kl. 13.

Komið þið sæl,
Undanfarið hefur hópur á vegum Landssambands eldri borgara rætt hvernig við getum haft áhrif á að okkar málefni fái eðlilegan hljómgrunn í næstu alþingiskosningum. Send var út áskorun um að eldri borgarar gæfu kost á sér ofarlega á framboðslistum. Það hefur þegar vakið nokkur viðbrögð. Nú hafa verið sett fram áhersluatriði fyrir kosningarnar. Við vonumst til að þið ræðið þessi atriði við frambjóðendur fram að kosningum.
Bestu kveðjur,
Ingólfur Hrólfsson, formaður FaMos

Vegna hertra sóttvarnaaðgerða fellur öll starfsemi á vegum íþróttanefndar FaMos niður næstu þrjár vikur. Um er að ræða vatnsleikfimi, ringó, boccia, dansleikfimi, línudans, púttæfingar og leikfimiæfingar í World Class. Nánar verður greint frá framhaldinu þegar þar að kemur.

Félagsstarfið Hlaðhömrum 2 er komið með nýjan opnunartíma og er framvegis opið mánudaga til fimmtudaga á milli kl. 11:00 - 16:00 og á föstudögum frá kl. 13:00 - 16:00.

FaMos félagar! Nú byrjum við starfsemina aftur eftir langt hlé. Pútttímar, dansleikfimi, boccia, ringó og gönguhópur - allt að hefjast aftur.

Fjölmennt var 24. febrúar sl. á útskurðar- og tálgunarkynningu. Félagar sýndu listaverk sín og verkfæri. Síðan var ákveðið að vera með útskurð og tálgun á fimmtudögum kl. 13-16, byrjar 4. mars, engin skráning bara mæta.

Elsku gleðisprengjur! Nýliðar eru á mánudögum og miðvikudögum kl. 09:30. Framhaldstímar eru á þriðjudögum og fimmtudögum kl. 09:30, 10:30 og 11:30.

Þann 17. september sl. heimsótti formaður FaMos ásamt fleiri stjórnarmönnum ofannefnda karla. Gestir komu færandi hendi, þ.e. höfðu meðferðis nýja kaffivél ásamt tilheyrandi borðbúnaði.

Fjölnota íþróttahúsið okkar stendur öllum bæjarbúum opið til göngu og léttrar hreyfingar alla virka daga frá kl. 08:00 - 14:00. Við hvetjum alla Mosfellinga, unga sem aldna, til að nýta sér aðstöðuna sér til heilsubótar.

Kennslubæklingar fyrir spjaldtölvur frá LEB, eru nú aðgengilegir endurgjaldslaust á vef FaMos undir flipanum skjalasafn.
Bæklingarnir eru fyrir Ipad annars vegar og Android stýrikerfi hins vegar. Android er í nánast öllum tölvum sem ekki eru af Ipad gerð.

Ný stjórn kom saman í morgun, 10.11.2020, og gekk frá formlegri stofnun félagsins "Karlar í Skúrum Mosfellsbæ."

Kynnið ykkur fjölbreytta dagskrá íþróttanefndar FaMos fyrir veturinn 2020 - 2021. Nýir félagar velkomnir, endilega verið með og finnið eitthvað við ykkar hæfi.

Kæru vinir við ætlum að halda áfram með útifjörið sem sló rækilega í gegn fyrr í sumar og verðum með 3 vikna frítt námskeið sem byrjar á þriðjudaginn 25. ágúst og er til 10. sept.

Vegna breytts ástands í þjóðfélaginu hefur ferðanefnd FaMos og félagsstarfið á Eirhömrum ákveðið að fella niður fyrirhugaða síðsumarsferð sem vera átti miðvikudaginn 11. ágúst.

Farið verður í síðsumarsferð þann 11.ágúst næstkomandi á vegum FaMos og félagsstarfsins á Eirhömrum.

Ferðanefndin er að skipuleggja ferð í Flyover Iceland, rútuferð um bæinn og kaffihúsaferð í Norrænahúsið.

Glatt var á hjalla í Gaman saman þann 6. febrúar sl. á Eirhömrum.

Vegna frábærrar aðsóknar færum við okkur í íþróttahúsið Varmá og byrjum kl. 14:15 alla miðvikudaga.

Aðalfundur FaMos verður haldinn í Hlégarði mánudaginn 17. Febrúar klukkan 20:00.

Hópurinn lofar svo sannarlega góðu, hress og skemmtilegur félagsskapur.