Snjalltækjanámskeið fyrir eldri borgara verður haldið á mánudögum kl 15-16 i borðsal Eirhamra og hefst 27. september. Námskeiðið er í 3 skipti.

Dagskrá íþróttanefndar FaMos fyrir veturinn 2021 – 2022 liggur nú fyrir. Boðið verður upp á vatnsleikfimi, ringó, boccia, gönguferðir, púttæfingar og göngubraut.
Nýjir félagar velkomnir, endilega verið með og finnið eitthvað við ykkar hæfi.

Heilsa og hugur fyrir 60+ er nýtt heilsueflandi verkefni. Kennarar eru Halla Karen Kristjánsdóttir og Berta Þórhallsdóttir.

Byrjar fimmtudaginn 19. ágúst.
Kennari er Karin Mattsson og skipt verður í tvo hópa.
Hópur 1 kl. 10:45 og áhersla lögð á aðeins léttari leikfimi, hentar vel veikburða fólki og fólki með grindur.
Hópur 2 kl. 11:15, almenn leikfimi fyrir þá sem eru í ágætis formi.

Mosfellsbær býður upp á frítt 8 vikna útinámskeið frá 18. maí-8. júli. Tímarnir verða tvisvar sinnum í viku á þriðjudögum og fimmtudögum.
Tveir hópar verða í boði kl. 9:00-9:50 og 10:00-10:50.

Dansleikfimin verður ekki í maí, byrjar aftur í september.

Vatnsleikfimin verður aftur á móti út maí. Síðasti tíminn 28. maí.

Kveðja,
Ólöf, formaður íþróttanefndar FaMos

Allt íþróttastarf hefst aftur frá og með fimmtudeginum 15. apríl.

Landsmót UMFÍ 50+ verður haldið í Borgarbyggð dagana 27. – 29. ágúst nk. Áætlað er að dagskrá liggi fyrir eigi síðar en 15. maí.

Félagsmálaráðuneytið, velferðarsvið Reykjavíkurborgar og LEB – Landssamband eldri borgara fengu Félagsvísindastofnun Háskóla Íslands til að gera fyrir sig könnun á högum og líðan aldraðra á Íslandi 2020. Rafræn kynning á niðurstöðum könnunarinnar verður haldin 7. apríl nk. kl. 13.

Komið þið sæl,
Undanfarið hefur hópur á vegum Landssambands eldri borgara rætt hvernig við getum haft áhrif á að okkar málefni fái eðlilegan hljómgrunn í næstu alþingiskosningum. Send var út áskorun um að eldri borgarar gæfu kost á sér ofarlega á framboðslistum. Það hefur þegar vakið nokkur viðbrögð. Nú hafa verið sett fram áhersluatriði fyrir kosningarnar. Við vonumst til að þið ræðið þessi atriði við frambjóðendur fram að kosningum.

Bestu kveðjur,
Ingólfur Hrólfsson, formaður FaMos

Vegna hertra sóttvarnaaðgerða fellur öll starfsemi á vegum íþróttanefndar FaMos niður næstu þrjár vikur. Um er að ræða vatnsleikfimi, ringó, boccia, dansleikfimi, línudans, púttæfingar og leikfimiæfingar í World Class. Nánar verður greint frá framhaldinu þegar þar að kemur.

Félagsstarfið Hlaðhömrum 2 er komið með nýjan opnunartíma og er framvegis opið mánudaga til fimmtudaga á milli kl. 11:00 – 16:00 og á föstudögum frá kl. 13:00 – 16:00.

FaMos félagar!
Nú byrjum við starfsemina aftur eftir langt hlé. Pútttímar, dansleikfimi, boccia, ringó og gönguhópur – allt að hefjast aftur.

Fjölmennt var 24. febrúar sl. á útskurðar- og tálgunarkynningu. Félagar sýndu listaverk sín og verkfæri.
Síðan var ákveðið að vera með útskurð og tálgun á fimmtudögum kl. 13-16, byrjar 4. mars, engin skráning bara mæta.

Elsku gleðisprengjur! Nýliðar eru á mánudögum og miðvikudögum kl. 09:30. Framhaldstímar eru á þriðjudögum og fimmtudögum kl. 09:30, 10:30 og 11:30.

Þann 17. september sl. heimsótti formaður FaMos ásamt fleiri stjórnarmönnum ofannefnda karla. Gestir komu færandi hendi, þ.e. höfðu meðferðis nýja kaffivél ásamt tilheyrandi borðbúnaði.