Opið hús / Menningarkvöld 2023 – H&M dúettinn í hlégarði
Fyrsta Opna hús / menningarkvöld vetrarins verður í Hlégarði mánudaginn 9. október kl. 20:00. Þar mun H&M dúettinn (Heiða og Matthías) flytja þessi gömlu góðu og hvetja okkur til að taka vel undir þegar við á. Í lokin verða flutt nokkur danslög fyrir þá sem vilja taka nokkur lauflétt spor.
Hinn árlegi basar á vegum félagsstarfsins í Mosfellsbæ verður haldinn sunnudaginn 16. nóvember kl. 14:00 – 16:30 í Hlégarði. Fallegar handunnar vörur á afar góðu verði og úrvalið fjölbreytt. Vorboðar syngja og unglingar verða með kaffi og vöfflusölu.
Fyrsta Opna hús vetrarins var í Hlégarði 13. október. Grétar Örvarsson skemmti okkur með dyggri aðstoð saxófónleikarans okkar Hansa Þór Jenssonar. Un hundrað manns mættu og skemmtu sér vel við söng og skemmtisögur Grétars og tókst honum að draga þó nokkra út á dansgólfið. Eftir skemmtunina bar kaffinefndin fram sitt frábæra hlaðborð.
Fyrsta opna húsið / menningarkvöld vetrarins verður í Hlégarði mánudaginn 13. október kl. 20:00. Aðgangur ókeypis fyrir FAMOS félaga.
Vegna framkvæmda á þaki breytum við tímabundið opnunartíma Brúarlands. Breytingarnar eru í gildi á tímabilinu 18. september – 15. október.
Fræðslunefnd FaMos býður upp á fræðslufund í Hlégarði 24. september nk. Starfsfólk Arion banka fræðir okkur um svikamál og Hrafnkell Óskarsson læknir spjallar um hamingjuna. Fundurinn er öllum opinn.
