Sæl öll kæru félagar í FAMOS,
Nú stendur okkur til boða námskeið á vegum Rauða Krossins fyrir þá sem vilja gerast sjálfboðaliðar og taka þátt í vinaverkefnunum sem þau standa fyrir. Námskeiðið yrði haldið hér í Mosfellsbæ í síðustu viku september eða fyrstu viku í október. Námskeiðið gengur út á að undirbúa sjálfboðaliða fyrir heimsóknirnar, og er kennt af verkefnisstjóra frá Rauða Krossinum í eitt skipti 2 klst. og síðan eitt stutt verkefni á vefnum.
Þátttaka í námskeiðinu er ekki skuldbindandi en eftir það er hægt að skrá sig og gerast sjálfboðaliði. Í kjölfarið er verkefnið svo auglýst og íbúar í Mosfellsbæ geta sótt um að fá sjálfboðaliða til sín. Vinaverkefnin eru eftirfarandi: heimsóknar-, síma-, göngu-, tónlistar- og hundavinir. Sjálfboðaliðarnir færu inn á einkaheimili, dvalarheimili, íbúðakjarna, félagsmiðstöðvar.
Farið er yfir eftirfarandi:
- Markmið verkefnisins
- Hvað sjálfboðaliðar gera í heimsóknum og hvað þeir gera ekki
- Hvað félagsleg einangrun er
- Samtalstækni: Hvað er virk hlustun og speglun.
- Hvað gerum við þegar það koma þagnir í samtölum,
- Hvernig við beitum opnum spurningum og lokuðum spurningum
- Hvernig á að setja mörk
- Kostur þess að gerast sjálfboðaliði – hittingar, fræðsla.
Rauði Krossinn heldur mjög vel utan um sjálfboðaliðana . Venjulega er það þannig að sjálfboðaliði er paraður við einstakling og gildir sú pörun í eitt ár.
Þau ykkar sem hafa áhuga á að taka þátt í svona námskeiði vinsamlega skráið ykkur
hjá Hrund Hjaltadóttur síma 6635675 eða netfang: hrundhj@simnet.is
eða Ágústu Harðardóttur sími 8923924 eða netfang: agustah@gmail.com.
