Bingónefndin boðar til flottasta Bingósins í Hlégarði. Spjaldið kostar 1000 krónur (ekki posi). Allir velkomnir, nóg pláss, géggjaðir vinningar.

Hvað getum við gert sjálf til að viðhalda góðri heilsu út ævina? Guðrún Jóhanna Hallgrímsdóttir iðjuþjálfi verður með fræðsluerindi fyrir eldri borgara í Mosfellsbæ þriðjudaginn 28. október í Hlégarði.

Hinn árlegi basar á vegum félagsstarfsins í Mosfellsbæ verður haldinn sunnudaginn 16. nóvember kl. 14:00 – 16:30 í Hlégarði. Fallegar handunnar vörur á afar góðu verði og úrvalið fjölbreytt. Vorboðar syngja og unglingar verða með kaffi og vöfflusölu.

Fyrsta Opna hús vetrarins var í Hlégarði 13. október. Grétar Örvarsson skemmti okkur með dyggri aðstoð saxófónleikarans okkar Hansa Þór Jenssonar. Un hundrað manns mættu og skemmtu sér vel við söng og skemmtisögur Grétars og tókst honum að draga þó nokkra út á dansgólfið. Eftir skemmtunina bar kaffinefndin fram sitt frábæra hlaðborð.

Fyrsta opna húsið / menningarkvöld vetrarins verður í Hlégarði mánudaginn 13. október kl. 20:00. Aðgangur ókeypis fyrir FAMOS félaga.