Knatthúsið að Varmá vígt 9. nóvember
Nýtt fjölnota knattspyrnuhús var vígt að Varmá laugardaginn 9. nóvember.
Dagskráin hófst kl. 13 þegar Sturla Sær Erlendsson formaður íþrótta- og tómstundanefndar bauð gesti velkomna. Þá ávörpuðu bæjarstjóri Mosfellsbæjar, Haraldur Sverrisson, og Birna Kristín Jónsdóttir formaður Aftureldingar samkomuna. Alverk ehf. afhenti svo húsið formlega og kynnt var til leiks samkeppni meðal bæjarbúa um nafn á húsið. Boðið var upp á knattspyrnu- og frjálsíþróttaþrautir, vítakeppni og hoppukastala. Þá vígði félag eldri borgara í Mosfellsbæ, FaMos, formlega göngubraut í húsinu. Boðið var upp á léttar veitingar.
Æfingar hófust í húsinu í lok október.
