Félag aldraðra í Mosfellsbæ

Sigurður Friðriksson – öðru nafni Diddi Frissa – er þjóðsagnapersóna suður með sjó. Hann ólst upp við hermang og amerískar drossíur í Sandgerði og lét við það sitja að læra margföldurnartöfluna í skóla. Um ævintýri Didda má lesa í stórskemmtilegri bók þar sem Diddi segir sögur af ævintýralegu lífi sínu og samferðarmenn segja sögur af honum sjálfum.

Sögufélag Kjalarnesþings og FaMos bjóða á bókakynningu í Hlégarði þriðjudaginn 12. desember kl. 13:00. Tveir höfundar kynna bækur sínar og lesa valda kafla úr þeim. Samræður að loknum upplestri.

Markmiðið er að fá eldri borgara sem vilja rjúfa félagslega einangrun til að taka þátt í spjallhóp. Hugmyndin er að hópurinn hittist vikulega í fimm skipti. Með þátttöku í slíkum hóp gefst tækifæri til að hitta fólk í svipuðum aðstæðum og spjalla saman með það að markmið að styrkja sig félagslega.

Opið hús/menningarkvöld verður mánudaginn 11. desember í Hlégarði klukkan 20:00. Vorboðarnir undir stjórn Hrannar Helgadóttur syngja
og koma okkur í jólaskap við undirleik Helga Hannessonar.

Karlar í skúrum Mosfellsbæ: – Nýtt námskeið hefst miðvikudaginn 22. nóvember. Kennt einu sinni í viku á miðvikudögum frá 17:00 til 20:00 í fjórar vikur, alls 12 kennslustundir. Námskeiðsgjald er kr. 15.000,- og er efni og lán á verkfærum innifalið. Konur eru velkomnar á námskeiðið.

Bankinn Bistro býður félögum í FAMOS tilboð á hádegismat á milli 11:30 – 14:00 á aðeins 1.990 kr.