Vorboðar eru blandaður kór og nú á haustönn 2023 eru kórfélagar 67. Stjórnandi kórsins er Hrönn Helgadóttir og Helgi Hannesson annast undirleik við sérstök tækifæri.

Tilgangur Vorboða er að æfa söng og efla menningar- og félagsstarf eldri borgara.

Kórinn starfar sjálfstætt með styrk frá Mosfellsbæ og með góðum stuðningi FaMos. Kórinn fær frían aðgang að Safnaðarheimili Lágafellssóknar til söngæfinga.

Vorboðar taka þátt í fimm kóra samstarfi sem felst í því að halda kóramót á vorin, til skiptis í bæjarfélögum kóranna. Kórinn var stofnaður árið 1990.