Endurminningarleikhús – námskeið
Nú endurtökum við leikinn!
Þann 22. Janúar næstkomandi hefst námskeið í endurminningaleikhúsi. Andrea Katrín Guðmundsdóttir, leikkona og leikstjóri, í samvinnu við Félagsstarf eldri borgara í Mosfellsbæ og FaMos, stóð fyrir samskonar námskeiði í lok árs 2019 sem hlaut jákvæðar undirtektir bæði þátttakenda og áhorfenda.
Staður: Íþróttasalurinn Eirhömrum.
Stund: Miðvikudagar og föstudagar kl. 13-14:30. 12 skipti samtals.
Þátttökugjald er 8.000 kr. fyrir námskeiðið.
Á námskeiðinu munu þátttakendur rifja upp gamlar minningar með því að spjalla saman, hlusta á tónlist, gera leiklistaræfingar og margt fleira skemmtilegt. Markmið námskeiðsins er fyrst og fremst að hafa gaman í góðum félagsskap og að fá tækifæri til að rifja upp gamla tíma. Námskeiðið lýkur svo með leiksýningu, þar sem þátttakendur deila endurminningum sínum með áhorfendum.
Elva Björg Pálsdóttir, forstöðumaður félagsstarfs eldri borgara, tekur á móti skráningum og gefur allar nánari upplýsingar. Hægt er að skrá sig í þjónustumiðstöðinni, hringja í síma 698-0090 og 568-8014 eða senda tölvupóst á netfangið elvab@famos.is
Endilega skráið ykkur sem fyrst takmörkuð pláss í boði.
