Síðsumarsferð FaMos um Snæfellsnes
Dagsetning: Miðvikudagurinn 28. ágúst 2019
Brottför: kl. 09:00
Brottfararstaður: Rútan verður fyrir neðan leikskólann Hlaðhamra
Leiðsögumaður: Jóhanna B. Magnúsdóttir
Ferðatilhögun
Fyrsti viðkomustaður er Borgarnes.
Síðan er haldið sem leið liggur í Stykkishólm þar sem við snæðum hádegisverð, súpu og brauð.
Þegar allir eru mettir lítum við í kringum okkur á staðnum áður en við leggjum af stað til Bjarnarhafnar. Innifalið í aðgangseyri á Hákarlasetrið er hákarla- og harðfisksmakk og fræðsla um hákarlaveiðar og verkun. Þar er einnig hægt að kaupa harðfisk og að sjálfsögðu hákarl. Ekki má gleyma að skoða gömlu kirkj-una. Gerum ráð fyrir að stoppa þar í u.þ.b. eina klst.
Við ökum í gegnum Grundarfjörð og til Ólafsvíkur. Þar er komið að kaffistoppi á veitingarhúsinu Skeri.
Leiðin liggur fyrir Jökul og að Dritvík, þar verður gengið niður í fjöruna. Á leiðinni að Arnarstapa virðum við fyrir okkur Þúfubjörg, Lóndranga, Malarrif o.fl.
Stutt stopp verður á Hellnum og síðan ekið að Arnarstapa þar sem snæddur verður kvöldverður. Síðan verður ekið heimleiðis með stoppi í Borgarnesi.
Verð fyrir manninn er kr. 15.000 með mat og kaffi auk Hákarlaseturs.
Það þarf að vera búið að greiða ferðina fyrir 10. ágúst nk. inn á reikning nr. 0537-14-002298 kt. 4201130560.
Þeir, sem hafa áhuga á þessari ferð, geta skráð sig á þátttökublað hjá félagsstarfi aldraðra á Eirhömrum eða í síma 5868014. Jafnframt hjá Margréti í síma 8633359.
